Vendosja e barrikadave nga serbët në veri të Kosovës duket se nuk do të zgjidhet aq lehtë. Kryeministri i Kosoës tha për prestigjozen “The Guardian” se ato nuk do të tolerohen edhe për shumë kohëKryeministri i Kosovës, por po përpiqen për dialog pasi situata atje mund të shkaktojë edhe viktima. Sipas tij veprimet që po ndërmeren janë të kujdesshme në mënyrë që të mos krijohet destabilizim.
“Shqetësimi ynë është se heqja e këtyre barrikadave nuk mund të përjashtojë viktimat. Dhe kjo është arsyeja pse ne duam të jemi sa më të kujdesshëm për t’u siguruar që nuk do të ketë destabilizim dhe se paqja e siguria do të jenë të qëndrueshme. Megjithatë, këtë shkelje të ligjshmërisë dhe kushtetutshmërisë nuk mund ta lejojmë përjetë. Pra, po, kjo duhet të përfundojë, sa më shpejt aq më mirë”, është shprehur Kurti për “The Guardian”.
Kurti se edhe Shtetet e Bashkuara të Amerikës dhe Bashkimi Evropian janë të një mendje për heqjen e barrikadave, por se edhe ata janë të shqetësuar se si do të përdoret kjo situatë.
“BE-SHBA të gjitha pajtohen që barrikadat duhet të hiqen. Por ata janë gjithashtu të shqetësuar se si kjo mund të përdoret dhe abuzohet nga Beogradi. Mendoj se shqetësimi i partnerëve dhe miqve tanë perëndimorë janë lidhjet e Beogradit me Moskën. Nuk e dimë se si mund të vihen në funksion në rast të rritjes së tensioneve, drejt përshkallëzimit në veri”, ka deklaruar Kurti.
