Partia e Lirisë edhe pse ka denoncuar shumë herë aferën e inceneratorëve, madje duke pasur edhe prova dokumentacioni, është ‘kujdesur’ që të ruajë larg emrat që nuk i leverdis t’i nxjerr.
Me datë 9 dhjetor gazetari Adriatik Doçi ka ngritur një kallëzim penal në Prokurorinë e Posaçme kundër dy prokurorëve po të kësaj prokurorie. Sipas padisë së gazetarit, prokurorët Eneid Nakuçi dhe Klodian Braho kanë fshehur provat në çështjen e inceneratorit të Elbasanit.
Fshehja e provave sipas gazetarit është bërë në funksion të mbrojtjes së ish-numrit dy të qeverisë Arben Ahmetaj. Pra gazetari denoncon faktin se pavarësisht provave ndaj Ahemtajt nuk janë hapur hetime në lidhje me çështjen e inceneratorëve.
Teksa kjo padi që gazetari Adriatik Doçi ka ngritur duhej të ishte një mundësi e artë për Partinë e Lirisë, e cila vazhdimisht ka ngritur zërin për çështjen e aferës së inceneratorëve, si për ironi përfaqësuesit e saj kanë zgjedhur të heshtin dhe jo pa arsye. Tashmë skema është e qartë, Partia e Lirisë e ka të “kyçur” gojën për Arben Ahmetaj, pasi ky i fundit ka tradhtuar “shokët” e tij të Partisë Socialiste dhe iu ka siguruar dokumentet e nëvojshme që zbardhin aferën e inceneratorëve. Pikërisht për këtë arsye dyshohet se Rama e shkarkoi edhe si zëvendëskryeministër dhe e largoi nga të gjitha postet në PS. Përpos këtij bashkëpunimi midis Arben Ahmetajt dhe Partisë së Lirisë, konfirmohet edhe një e vërtëte tjetër për mënyrën e si operon opozita. Ashtu sikurse edhe Partia Demokratike, me Bashën apo edhe Berishën në krye, të njëjtën strategji ka edhe Partia e Lirisë duke ndjekur standarde të dyfishta përballë aferave korruptive. Denoncimet e bëra mbeten ende selektive, fakt i cili na bën pesimist për opozitën në vendin tonë./ Gazeta Reforma
