Trazirat në Veriun ne Kosovës kanë prekur edhe gazetarët, teksa ato po raportonin për zhvllimin e situatës.
Ndërkohë që ditën e sotme gazetarja Dorontina Bylykbashi ka përshkruar momentin e një shpërthimi, teksa ajo po raportonte për situatën në veri të Kosovës.
Bylykbashi u shpreh në një intervistë për gazetarin Nertil Agalliu se ishte një moment frikësues dhe nuk arriti të identifikonte se çfarë mjeti është hedhur. Gjithashtu ajo tregon se sulmet filluan në momentin që mediat serbe u larguan dhe në vendin ku ajo po raportonte shiheshin persona të mashkuar që u përkisnin grupeve kriminale të zonës . Gazetarja thotë se disa prej personave që sulmuan kishin mbuluar kokën me kapele dhe maska të zeza, duke e vështirësuar identifikimin e tyre.
“Nuk mundëm që ta identifikonim se çfarë mjeti është hedhur. Në ato momente dëgjoja duke më thirrur kameramani. Nuk kam parë dot pas se çfarë ndodhi, por ishte një moment shumë frikësues pasi se kisha idenë se çfarë mjeti është. Kur u larguan mediat serbë filluan sulmet dhe dëgjohej edhe muzikë nacionaliste në ato rrethina. Atje shihen persona të maskuar të cilët u përkasin grupeve kriminale atje. Disa kishin mbuluar kokën me kapele dhe maska të zeza. Janë ato grupe që veprojnë ashtu’, tha gazetarja.
