Pas valës së shkarkimeve nga ana e Ministrit të Jashtëm, Gent Cakaj, ditën e sotme Presidenti, Ilir Meta ka dekretuar si ambasador në Mbretërinë e Spanjës, Gazmend Barbullushin.
Barbullushi është një emër i njohur në Ministrinë e Jashtme, pasi në kohën e Ditmir Bushatit ka mbajtur rilin e Sekretarit të Përgjithshëm të MEPJ-së dhe emri i tij ka ardhur si propozim i ministrit Cakaj, mirëpo për shkak se Meta nuk e ka pranuar, shkresa zyrtare mbante emrin e kreyministrit Rama.
Barbullushi do të jetë ambasador rezident në Mbretësinë e Spanjës dhe jorezident në Mbretërinë e Marokut, në Republikën Islamike të Mauritanisë dhe në Principatën e Andorrës.
Karriera e ambasadorit të ri në diplomaci është e gjatë ndaj edhe është marrë si një emër i mirëqenë për postin.
