Agresjoni rus në Ukrainë ka shtuar frikën për një zgjerim të një konfliktit edhe në vendet perëndimore. Këtë të hënë një nga gjeneralët e lartë britanikë ka bërë thirrje se duhet një ristrukturim i mënyrës se si po vepron NATO kundër këtij agresioni. Sipas tij NATO duhet të mobilizojë trupa në perëndim, pasi një luftë e mundshme me Rusinë është mëse e mundshme.
Richard Shirreff, ish-Zëvendës Komandanti Suprem i Aleatëve për Evropën, i cili tashmë është në pension, tha për The Times se edhe pse ushtria ruse mund të evidentohej se nuk ishte në ditët e saj më të mira gjatë luftës në Ukrainë, konflikti ishte larg përfundimit.
Shirreff, i cili shërbeu në rolin e NATO-s nga viti 2011 deri në 2014, deklaroi se ka arritur në konkluzionin se i ka mbivlerësuar aftësitë ushtarake të Rusisë.
Ai tha se ndërsa mbështetja e NATO-s kishte qenë me të vërtetë mbresëlënëse, tani gjendemi në një situaë ku kjo mëbshtetje duhet të rritet.
“Rusia dhe Putin janë të ‘zënë në grackë’. Ai mund të sulmojë dhe më tepër nënë frikën se mund të vendosë ta përhskallëzojë lufën me sulme nukleare”, tha ai.
Shirreff tha se do të kishte më shumë përshkallëzime pasi Ukraina do të rimerrte më shumë nga territori i saj dhe tha se NATO-s duhet të ndryshonte plotësisht mentalitetin e saj.
“Ajo që nuk kemi parë është se NATO-ja pranon se duhet të përgatitet për rastin më të keq dhe rasti më i keq është lufta me Rusinë. Dhe e vetmja mënyrë për të parandaluar rastin më të keq është të jesh gati për të dhe NATO është shumë larg kësaj”, tha ai.
Shirreff tha se aleanca ushtarake duhej të kundërshtonte çarmatimin e vendeve të Evropës Perëndimore në dekadën e fundit dhe të rimbushte stoqet e shteruara të luftës.
“Niveli i aftësisë dhe mbështetjes logjistike për forcat e armatosura duhet të mendohet mirë dhe duhet parë aftësia e humbur që vjen pas disa vitesh çarmatimi. Të jemi të qartë; edhe nëse ushtria ruse humbet dhe Putin bie nga froni, në pushtet nuk do të vijë një lider i ri aq liberal sa të bashkohet krahëhapur me Perëndimin. Nëse Putini rrëzohet, do të shihni një figurë edhe më nacionaliste, ksenofobikee antiperëndimore. Rusia zgjerohet, Rusia tkurret, Rusia nuk është një shtet, Rusia është një perandori. Mund të mbijetojë vetëm si një organ i tillë.
Dhe nëse tkurret, do të zgjerohet përsëri. NATO duhet të kuptojë se kjo është një luftë e gjatë dhe duhet të përgatitet për një aftësi parandaluese brezash”, tha ai.
