Elisa Spiropali ka pasur një replikë me kreun e PD Sali Berisha në Parlament këtë të enjte. Spiropali ka dashur të godasë 2 zoq me 1 gurë, pasi duke iu kundërpërgjigjur Berishës duke i thënë se ka humbur betejën me shqiptarët, njëkohësisht ka thumbuar dhe Ilir Metën. Ajo tha se Berisha e kishte humbur betejën me shqiptarët, ndërsa ironizoi dhe Ilir Metën.
“Parafolësi përmendi Fondanelin, por nuk përmendi atë tjetrën, atë më të bukurën; lufto në jetë për atë që beson. Mund të humbësh betejat, por jo betejën përpara pasqyrës. Zotëria i ka fituar të gjitha betejat, por para pasqyrës e ka humbur. Betejën para shqiptarëve e ka humbur me kohë. Për tu kthyer te kjo punë për të cilën jemi mbledhur këtu, se më vjen çudi që disa kanë zhveshur rrobe banjë dhe kanë veshur pelerinat e revolucionit. Si për t’u kujtuar shqiptareve se revolucionet e tyre jo vetëm nuk mund të bëhen, por i kanë qeverisur shqiptarët në kufi të revolucionit. Jemi të vetëdijshëm se është një moment i vështirë dhe një vit i vështirë na pret. Kemi disa vite që përballemi me kriza, por një gjë se kemi bërë kurrë, si kemi braktisur njerëzit. Rezulton sot nga të dhënat që kemi, se parametrat makro-ekonomik janë ruajtur.
Pse ke e bën dorën ashtu? Ke ardhur nga Gjiri i Lalzit apo nga pishinat ku ishit? Kur mbjell erë, erë ke. Ke dhe një aleat që është duke folur përçart. Seç frikë ka dhe ç’flet, e di ai. Ju e keni frikën me pasqyrën, Ju i përgjigjen pasqyrues më duket. Shoh se po bën gati laptopin, por se ku të çon ajo mushkë. Ne kemi punën tona, jo vetëm do indeksojmë pensionet, plot 4 mld lekë.”, tha ajo.
