Çmimet kanë pësuar rritje drastike, duke u bërë gjithnjë e më shumë të papërballueshme për qytetarët.
Ndërkohë që kryetari i Partisë së Lirisë Ilir Meta, ka evidentuar sërish faktin që deputetët e kësaj partie do të dërgojnë në Kuvend një projektligj për indeksimin e pagave.Me anë të një statusi në Facebook, meta u shpreh se vështirësitë ekonomike me të cilat po përballen qytetarët dhe rritja galopante e çmimeve, kanë çuar në domosdoshmërinë e shqyrtimit në një kohë sa më të shpejtë të këtij projektligji.
“Deputetët e Partisë së Lirisë, projektligj në Kuvend për indeksimin e pagave. Rritja galopante e çmimeve, situatë e vështirë ekonomike dhe sociale për qytetarët. Projektligji për indeksimin e pagave duhet të shqyrtohet sa më shpejt!”, ka shkruajtur Meta.
Kujtojmë që më herët ministrja e Ekonomisë dhe Financave, Delina Ibrahimaj deklaron se ekonomia shqiptare ka performuar mirë. Në një konferencë për shtyp, ministrja foli për të dhënat e tre mujorit të parë. Ibrabimaj tha se inflacioni në muajin korrik ishte 7.5% dhe sipas saj është më i ulët se në vendet e tjera të rajonit.
Një nga faktorët që kanë ndikuar në këto rezultate pozitive për ekonominë sipas ministres janë edhe ngritja e bordeve. Ibrahimaj u shpreh se bordet e mbajtën çmimet nën kontroll.
