Mbrëmjen e djeshme teksa po zhvillohej koncerti i Noizyt, ka pasur ndërprerje të energjisë elektrike.
Theksojmë se në momentin që ka ndodhur incidenti është ndërprerë edhe përformanca nga ana e artistëve. Ndërkohë që ka ardhur një reagim nga ana e Operatori i Shpërndarjes së Energjisë Elektrike (OSHE-së).
Sipas OSHEE, problemi ka qenë i brendshëm dhe i menaxhueshëm nga organizatorët e koncertit, pasi nuk ka asnjë problem me fiderat dhe kabinat e tensionit që operatori ka nën survejim, pranë Sheshit “Nënë Tereza”. Gjithashtu në njoftim thuhet se nga verifkimi i kryer, fiderat që furnizojnë rrjetin e shpërndarjes kanë qenë të gjitha në punë dhe kabinat me tension.
Njoftimi i plotë i OSHEE:
Nisur nga lajmi “për ndërprerje të energjisë” gjatë koncertit të artistit Rigels Rajku (Noizy), OSSH sqaron se shkaku nuk ishte rrjeti ynë elektrik, por nga pajisjet brenda regjisë, të cilat menaxhohet nga organizatorët.
Ngarkesa e madhe e pajisjeve në koncert solli rënien e automatit, duke sjellë stakim të ndriçimit të një pjese të skenës, e cila menaxhohej nga organizatorët privatë.
Nga verifkimi i kryer, fiderat që furnizojnë rrjetin e shpërndarjes kanë qenë të gjitha në punë dhe kabinat me tension.
Theksojmë se NUK ka patur në asnjë moment ndërprerje të energjisë nga rrjeti ynë elektrik.
Faleminderit
