Ditën e sotme ka mbërritur në Portin e Durrësit anija me kapacitet rreth 6 mijë tonë e mbushur me grurë, e cila u nis nga Ukraina pas marrëveshjes për grurin midis Rusisë dhe Ukrainës.
Anija “cargo” e quajtur “Jaohar Ranim”, është nisur direkt nga Izmaili Ukrainës, porti më i madh ukrainas, në Odesa.
Mësohet se anija ka mbërritur mëngjesin e sotëm në Portin e Durrësit në orën 08:37.
Anija mësohet se është ngarkuar me grurë më 28 korrik, ndërsa është anija e parë që bën këtë rrugë që nga nisja e pushtimit të Ukrainës nga Rusia më 24 shkurt të këtij viti.
Sjellim në vëmendje se sulmi i Rusisë mbi Ukrainën shkaktoi probleme ekonomike në të gjithë botën, ndërsa furnizimit me grurë dhe lëndë të tjera nga Ukraina u ndërprenë për shkak të luftës. Së fundmi u arrit një marrëveshje Rusim Ukrainë të ndërmjetësuar nga Turqia, ku rezultoi që Ukraina të nisi sërish eksportin e mijërave tonë drithëra.
Rusia dhe Ukraina së bashku mbulojnë gati një të tretën e eksporteve globale të grurit. Kujtomë se ditën e djeshme një ngarkesë e nisur me grurë nga Ukraina nuk u pranua nga një blerës libanez me motivin se dërgesa nuk kishte ardhur në kohë. Dalja e grurit nga Ukraina nuk pati problematika pas marrëveshjes së firmosur me ndërmjetësimin e Presidentit turk Erdogan.
