Bordi i Tansaprencës i qeverisë Rama e ka treguar prej kohësh që ishte thjesht një mjet propagande dhe mjet për t’ ju mbyllur gojën disi qytetarëve. Por ky bord ‘i qelbur’ tashmë ka filluar të vijë erë dhe këtë e tegojnë vendimet e fundit të tij. Brenda 3 ditësh ky bord mori 2 vendime për çmimet e karburanteve. Në të parin që ishte më qesharaku i mundshëm, çmimi i naftës u ul me vetëm një lek, në një kohë që çmimet e karburanteve në bursë po arrijnë nivelet e para luftës në Ukrainë. Ky vendim është një tallje për qytetarët e Shqipërisë, pasi 1 lek nuk t’i pranon as lypësi.
Ndërkohë sot ishte vendimi i fundit i Bordit të Transparencës, i cili ka vendosur që të ulë me 4 lekë/ litër këtë herë çmimin e naftës, ndërkohë që benzina është shtrenjtuar me 1 lek/ litër. Sipas vendimit të sotëm, 1 litër naftë do të shitet me 216 lekë, kurse një litër benzinë me 200 lekë. Aktualisht, çmimi i një fuçie naftë në bursa shitet me mesatarisht 94-95 USD, ngjashëm ose më ulët krahasuar me periudhën para se Rusia të sulmonte Ukrainën, e cila shtrenjtoi ndjeshëm çmimin e karburanteve në botë. Është e pamundur se si ky Bord, i cili paguhet me taksat e qytetarëve shqiptarë del dhe bën këto tallje me popullin e Shqipërisë.
Është e nevojshme të paguhen gjithë ata persona që na bëjnë dhe si ‘dijetarë’, që nxjerrin konkluzione për ulje drastike të çmimeve me 1 lekë? Shqiptarët humbasin më shumë duke paguar këta, sesa me 1 lekshat që ngre dhe ul Bordi i Transparencës. Nëse qeveria do të funksiononte realisht në ndihmesë të popullit atëherë me çmimet e bursës që janë tani çmimi do të ishte shumë herë më i ulë. Pse Bordi kur rrit shuëm çmimet thotë se janë efekte të bursës dhe kur bursa bie nuk e reflekton atë? Për çfarë shërben bursa këtu? Vetëm për të bërë propagandë aty kur u nevoitet, sepse nëse bursa do të ishte pikë referimi me të vërtetë, do ishim në të tjera çmime.
Ndërkohë pakënaqësia qytetare është e madhe, por edhe instanca që janë në brendësi të këtij problei kanë arritur në konkluzionin që Bordi i Tansparencës duhet shkrirë. Konfindustria kërkoi shkrirjen e Bordit të Transparencës pak ditë më parë. Sipas Konfindustrisë, Bordi po vepron në dëm të interesit publik dhe favorizon kartelin e karburanteve. “Shqipëria ka sot çmimet e karburanteve nga më të lartët në botë në vlerësim relativ dhe 20-30% në vlerësim absolut në rajon, jashtë standarteve minimale ndërkombëtare dhe me abuzime të rënda” – thotë Konfindustria, duke shtuar se Bordi i Transparencës duhet të shkrihet dhe të themelohet Enti Rregullator i Karburanteve.
Qeveria Rama ka treguar se vetëm kur i shkon para derës të dëgjon, kujtojmë protestat e realizuara për rritjen e çmimeve, efekti i të cilave u pasqyrua menjëherë në vendimet e qeverisë. Por për fat të keq i vetmi vendim i keq ishte prodhimi i Bordit të Transparencës, që vetëm transparencë nuk bën, por thjesht jep vendime siç iu shkojnë për shtat bandave dhe oligarkëve të karburanteve që pasurohen dita- ditës.