Presidenti i Serbisë, Aleksandër Vuçiç, gjatë një tubim partiak në Beograd, është shprehur se vendi është nën presion të madh për të njohur Pavarësinë e Kosovës.
Ai ka shtuar se nuk pret shumë nga takimi i liderëve ballkanik më 29 prill që do të mbahet në Berlin me insistimin e Kancelares gjermane Angela Merkel dhe Presidentit francez, Emanuel Makron.
‘Tani e vetmja gjë që kërkojnë është të pranojmë Pavarësinë e Kosovës dhe asgjë më shumë. Do të ketë presione. Askush nuk ka dashur zgjidhje përveç meje dhe presioni do të shtohet. Tani kemi situatën që na kërkojnë njohjen e Pavarësisë së plotë, as ndarje, por vetëm një Kosovë të tërë të pavarur,’ –është shprehur Vuçiç.
Ndër të tjera ai nuk la pa theksuar dhe taksën 100%, që Kosova i ka vendosur Serbisë.
‘Nuk ka ngelur asgjë që shqiptarët nuk kanë bërë kundër Serbisë. Nuk kanë formuar asociacionin e komunave serbe dhe kanë vënë taksa.’ – tha presidenti Vuçiç.
