Sezoni turistik është në kulmin e tij, por duket se çmimet shume të kripura në jug të vendit I kanë trembur në ‘palcë” pushuesit.
Gjithashtu edhe cilësia e ofrimit të shërbimeve në bregdet është një arsye e fortë që I shtyn shqiptarët të zgjedhin vendet jashtë si destinacion pushimesh.
Pas heqjeve të kufizimeve,të shumtë janë shqiptarët që kanë zgjedhur të kalojnë pushimet në vendlindje por ka edhe nga ata që preferojnë destinacione të ndryshme nëpër botë.
Qytetarët shprehen për “Fax Neës” se Shqipëria ka ende vend për të përmirësuar kryesisht në shërbimet. Ajo që prek të gjithë emigrantët, turistët por edhe qytetarët vendas janë çmimet e rritura krahasuar me vitin e shkuar.
“Po iki për në Londër , aty jetoj. Isha me pushime në Shqipëri. Në krahasim me vitet e kaluara më mirë por jo në standardet e larta. Shërbimi ndaj popullit, transporti publik, shërbimet e policisë apo ambulancës. Është më mirë se ca ka qenë por jo si vendet e tjera të BE. Në krahasim me dikur qytetet kanë ndryshuar dhe kanë përparuar. Cmimet në pështatje të vendit janë pak më të shtrenjta në duhet të ishin. Vitin e kaluar në Shqipëri ndejta 3 javë, kurse këtë vit i kalova pushimet jashtë shtetit thjesht këtu erdha për 4 ditë për të takuar familjarët. Nuk vendosa ti kaloja pushimet e plazhit në Shqipëri këtë radhë. Unë jam me fëmijë të vogël duhet të shkoj në një vend ku është deti i pastër”, u shpreh qytetari.
“Shqipëria jo dhe aq mirë. Shumë gjëra nuk janë mirë. Nuk di nga ta nisësh pasi shumë gjëra nuk funksionojnë mirë. Policia nuk është në nivelin e lartë. Ka rritje cmimesh për të gjithë. Shqipëria prap e njëjta gjë është, sa herë iki them që sdo vij më por prap vij”, tha nje qytetar.
“Jetoj në Neë York. Shqipëria është vendi më i bukur në botë. Kam qenë Vlorë, Himarë, Dhërmi dhe plazhi Livadh aty kemi kaluar pushimet. Cmimet ishin pak të shtrenjta, shërbimi shumë i mirë. Patjetër që do të kthehem në Shqipëri. Shqipërinë nuk e ndryshoj me asnjë vend tjetër. Mua më është dukur shumë bukur, për mua cmiemt janë të përballueshme për të tjerët nuk mund të flas”, tha një qytetar.
