Plagjatura e disa prej figurave kryesore të vendit është kthyer në shqetësim kryesor sidomos muajve të fundit, të cilat janë bërë të ditura Taulant Muka.
Muka ka bërë me dije përmes rrjeteve sociale plagjaturën e diplomave të emrave të tillë si: Blerina Gjylameti, Ervin Demo, Dhori Kule, Monika Kryemadhi, Mimi Kodheli.
Taulant Muka I ka shprehur jo pak herë këto plagjatura, por kërë herë ka vendosur të ndërmarrë një hap më tej, të kallëzojë penalisht personat e përmendur se kanë kryer këtë akt.
Në postimin në rrjetin social Facebook Muka ka shkruar: “Po flet plagjiatura! Së shpejti kallëzim penal për të gjitha plagjiaturat që kam bërë publike: Blerina Gjylameti, Ervin Demo, Dhori Kule, Monika Kryemadhi, Mimi Kodheli etj. Sipas nenit 148 të kodit penal, plagjiatura dënohet deri në 2 vjet burg!”
Megjithatë sipas Kodit Penal të Republikës së Shqipërisë figurat që kanë bërë plagjaturë nuk kanë shkelur vetëm nenin 148 I cili lidhet me botimin e veprës së tjetrit me emrin e vet, por edhe nenën 149 i cili lidhet me riprodhimin pa të drejtë të veprës së tjetrit.
Neni 148 Botimi i veprës së tjetrit me emrin e vet (Ndryshuar me ligjin nr. 8733, datë 24.1.2001, neni 45)
Botimi ose përdorimi tërësisht apo pjesërisht me emrin e vet të një vepre letrare, muzikore, artistike ose shkencore që i përket një tjetri, përbën kundërvajtje penale dhe dënohet me gjobë ose me burgim gjer në dy vjet.
Neni 149 Riprodhimi pa të drejtë i veprës së tjetrit (Ndryshuar me ligjin nr. 8733, datë 24.1.2001, neni 46)
Riprodhimi tërësisht ose pjesërisht i veprës letrare, muzikore, artistike ose shkencore që i përket një tjetri, ose përdorimi i tyre pa pëlqim të autorit, kur kanë shkelur të drejtat vetjake e pasurore të tij, përbën kundërvajtje penale dhe dënohet me gjobë ose me burgim gjer në dy vjet.
