Një ngjarje e trishtë ka ndodhur në qytetin e Shkodrës, pasi një trup i pajetë është gjetur në rrjedhën e lumit Vjosa. Mësohet se trupi i përket një 58-vjeçari që ishte raportuar i zhdukur nga familja dhe është është gjetur sot nga policia në rrjedhën e lumit Vjosë.
Ndërkohë kujtojmë polumbarët e forcave “RENEA” kanë ndërprerë kërkimet në lumin Vjosë për 56-vjeçaren që është raportuar e zhdukur nga familjarët. 56- vjecarja me inicialet L.K., e cila është larguar nga banesa pasditen e 20 qershorit ende nuk është gjetur.
Edhe pse kërkimet kanë vazhduar prej tre ditësh nga banorët e zonës, Policia e Vlorës dhe polumbarët, asnjë shenjë jetë nuk është gjetur, përveç shapkave dhe një shamie të zonjës së zhdukur që u gjetën mbrëmjen e djeshme.
Njoftimi i policisë:
Në datën 22.06.2022, rreth orës 13:30, nga shërbimet e Komisariatit të Policisë Përmet, në lumin Vjosë, në afërsi të fshatit Piskovë, Përmet, është gjetur i mbytur shtetasi A. P., 58 vjeç, banues në Përmet, i cili, sipas kallëzimit të familjarëve është larguar nga banesa në datën 18.06.2022.
Shërbimet e Komisariatit të Policisë Përmet, në bashkëpunim me shërbimet zjarrfikëse, kanë bërë të mundur nxjerrjen e trupit nga lumi Vjosë, i cili është transportuar në morgun e spitalit, për ekzaminime të mëtejshme.
Në vendngjarje ndodhet grupi hetimor, i cili po punon për zbardhjen e rrethanave të ngjarjes.
