Aldi Rama është keqtrajtuar nga policia në kohën kur u arrestua me lëndë narkotike dhe armë të ftohtë në 2020 kur ishte vetëm 18 vjeç. Prokuroria e Lezhës ka arritur të provojë këtë dyshim, se 21-vjeçari i cili vrau efektin e krimeve Saimir Hoxha dhe më pas qëlloi veten është dhunuar nga oficerët e policisë, ‘Shqiptarja’ raporton se në lidhje me këtë çështje organi i akuzës ka mbyllur hetimetdhe si pasojë organi i akuzës ka marrë të pandehur një efektiv policie me iniciale M.M. Ndaj tij rëndon akuza “Kryerja e veprimeve arbitrare”.
Ky hetim erdhi si pasojhë e një kallzimi të bërë nga vetë viktima, pasi u arrestua në 2020-tën i cili pretendonte se ishte dhunuar e keqtrajtuar nga uniformat blu, kur u arrestua me lëndë narkotike dhe armë të ftohtë. Në lidhje me këtë u kryen hetime për 3 efektivë, por vetëm për njërin është arritur të provohet se ka konsumuar elementë të veprës penale.
Kujtojmë se me 28-shtator të vitit 2021, Aldi Rama u bë protagonist e një krimi të rëndë, duke ekzekutuar me armë zjarri oficerin e Policisë së Lezhës Saimir Hoxha, teksa ky i fundit bashkë me dy kolegë të tij po ktheheshin nga një aksion anti-kanabis në Ishull-Lezhë. Oficeret e policisë ndaluan për kontroll makinën në të cilën ndodhej Aldi Rama bashkë me dy shokë të tij, por sapo i oficeri Saimir Hoxha i ka kërkuar mjetin e identifikimit Ramës ai e qëlloi me armë zjarri, duke e lënë të vdekur në vend. Pas ngjarjes i riu arriti të largohet dhe gjatë operacionit policor për kapjen e tij qëlloi veten me pistoletë, duke mbetur i plagosur rëndë dhe një ditë më pas ndërroi jetë në spitalin e Traumës në Tiranë.
Gjithashtu kujtojmë se sipas personave që e njihnin, 21-vjeçari njihej si person problematik. Ditën kur kreu vrasjen i riu duhet të ishte në arrest shtëpie, masë e vendosur ndaj tij që prej muajit maj të vitit 2021, pas lirimit nga qelia. Rama ishte arrestuar në Dhjetor pasi u kap me kanabis dhe pas disa muajsh gjykata kishte zbutur masën e sigurisë ndaj tij. Asokohe shokët e tij i thanë policisë se nuk kishin dijeni që Rama ishte në arrest shtëpie, pasi që prej muajit maj kur kishte lënë burg e kishin takuar atë çdo ditë jashtë banesës.
