Satelitët në hapësirë, një premtim i kryeministrit Rama, janë vendosur sërish në qendër të vëmendjes nga Salianji.
Deputeti i PD, Ervin Salianji ka postuar ditën e sotme në facebook një status ku kujtonte se kryeministri EdiRama kishte premtuar se në mars dhe në Qershor do të ngriheshin në hapësirë dy satelitë shqiptarë.
Salianji ironizon dekalratën e Ramës, duke thënë se në vend të satelitëve, në qiell ishin ngjitur çmimet e produkteve të shportës dhe nafta.
Postimi i Plotë nga Salianji:
Edi Rama premtoi solemnisht se këtë Mars dhe Qershor do të ngrinte në hapësirë dy satelitët shqiptarë dhe na ftoi të mos qeshnim me premtimin e tij!
Në këtë muaj kur duhet të ishin në hapësirë dy satelitët që do të bënin namin, në qiell kanë fluturuar çmimet e shportës dhe nafta! Sot më shumë se çdo herë tjetër qytetarët kanë nevojë për ndihmën e qeverisë jo për qeveri që fluturon me satelitë….
“Thatë do blemë dronë. Do çojmë stelit në orbitë. ‘Albania 1’, ‘Albania 2’. Sepse zhvillimi nuk mund të mbesë aty ku pretendoni ju. Ne shohim shumë larg. Po ju them prapë. Dronat po e po, po edhe satelitë. Në mënyrë që kontrolli mbi territorin, trafiqet, krimet të bëhet nga teknologjia. Ju qeshni se të qeshurën e keni program partie.” është shprehur kryeministri Rama tetorin e vitit të kaluar
