Presidenti i Amerikës Joe Biden ka shprehur sërisht mbështetjen ndaj shtetit Ukrainas, pas sulmeve të njëpasnjëshme të kohëve të fundit. Biden bëri me dije se Shtetet e Bashkuara do të japin 1 miliardë dollarë ndihmë ushtarake për Ukrainën. Bëhet me dije se paketa e ndihmës përfshin artileri shtesë, armë të mbrojtjes bregdetare, si dhe municione për artilerinë dhe sistemet e avancuara të raketave.
“ SHBA mbron demokracinë, sovranitetin dhe integritetin e saj territorial përballë agresionit të paprovokuar rus” tha Biden.
Ai gjithashtu bëri të ditur se ka folur me presidentin ukrainas Volodymyr Zelensky ditën e sotme sot ndërsa shtoi se liderit ukrainas i rikonfirmoi angazhimin e SHBA-ve për t’i qëndruar në krah Ukrainës.
Shtetet e Bashkuara kanë dënuar sulmin ndaj Ukrainës që nga filimi dhe kanë vendosur sanksione të ashpëra ndaj Rusisë. Kujtojmë që gjithashtu Kryeministri i Shqipërisë Edi Rama ka deklaruar gjatë një konference për shtyp sot në Kiev, se vendi ynë do të kontribojë në rindërtimin e banesave në Irpin të Ukrainës. Sipas tij Shqipëria së bashku me disa vende të tjera të Ballkanit do të hartojnë një plan për t’i ardhur në ndihmë Ukrainës. Ai nuk ka lënë pa ironizuar shtete e BE duke thënë se do ta bëjmë këtë në mënyrë ballkanike.
“Ne duam ta bëjmë këtë në një mënyrë ballkanike, pa burokraci të panevojshme”, tha kryeministri i Shqipërisë”, -tha Rama
