Pas nisjes së protestës kundër rritjes së çmimeve të karburanteve dhe të produkteve të shportës pasditen e sotme qyetarët janë shprehur se gjendja ishte aq e rëndë sa nuk mund të paguanin më asnjë faturë dhe detyroheshin të merrnin borxhe. Ata gjithashtu thonë se pavarësisht protestave, janë të bindur se qeveria nuk do të marrë asnjë masë për ankesat që kanë qytetarët. Një person me aftësi të kufizuara tha se qeveria nuk merr parasysh nevojat jetike dhe se megjithëse çmimet ngrihen janë të detyruar të jetojnë me shumë pak të ardhura në muaj.
“Jam Genc Tepelena, kemi shumë probleme, por qeveria nuk merr parasysh asnjë nevojë jetike, por vetëm ngrenë çmime dhe japin minimumin jetik 70 mijë lekë të vjetra. Është turp dhe qesharake. Iu bëj thirrje të gjithëve të bashkohen në protestë që rinia shqiptarë të mos ikë” – u shpreh invalidi në protestë për çmimet
Një pensioniste iu bëri thirrje qytetarëve shqiptarë të përmbysin këtë qeveri, që sipas saj kërkon që pensionistët të vdesin.
“Të dashur qytetarë, çfarë presim nga kjo qeveri?! Ne po na vdes kjo qeveri me 100 mijë lekë pension. Të paguaj drita, të ha, qira apo çfarë të bëj më përpara. Rama e pi 5 mijë lekë kafen, kurse ne e kemi 2 mijë lekë ditën e pensionit. Do me na vdek ne pensionistët që nuk ngre pensionet. Të ngrihet gjithë populli, ta përmbysin këtë qeveri, këtë qeveri të qelbët. Po vija rrugës më merren mendët se jam pa ngrënë. Ngrihuni gjithë populli, rrëzojeni këtë qeveri të qelbët, me në krye Ramën”, tha pensionistja.
