Rikthehet në vëmendje ngjarja e rëndë në Elbasan, nga e cila mbeti i vrarë Pjerin Xhuvani, gjatë fushatës elektorale për zgjedhjet e 25 prillit 2021. Ditën e sotme prokurorët e çështjes janë rikthyer në vendin e ngjarjes dhe kanë rrethuar me shiritë për të nxjerr konkluzione të reja mbi ngjarjen. Kujtojmë se pak kohë më parë u arrestua Mehmet Greca, i cili ishte i përfshirë në ngjarjen ku u vra Pjerin Xhuvani. Policia gjatë një kontrolli në banesën e tij gjeti dhe sekuestroi një sasi lënde narkotike kanabis dhe kokainë.Greca është shoferi i automjetit tip ML që u ndalua para 25 Prillit nga grupi i mbrojtjes së votës në PD në Elbasan. Ngjarja përfundoi në mënyrë tragjike pasi Pjerin Xhuvani u vra me armë zjarri nga Arbër Paplekaj dhe tre persona të tjerë mbetën të plagosur.
Pjerin Xhuvani, u vra më 21 Prill të vitit 2021 në Elbasan. Asokohe si pasojë e të shtënave, mbetën të plagosur Emiljan Prenga 39 vjeçar, Pavlo Vuksani 50 vjeçar, Eltjon Bodinaku 32 vjeçar dhëndri i Pjerin Xhuvanit. E plagosur po ashtu mbeti dhe efektivja e policisë Xhensila Sota 27 vjeçare.
Kush ishte Pjerin Xhuvani
Xhuvani ka qenë për disa vite drejtues i LSI-së për Elbasanin në kohën që Ilir Meta drejtonte këtë subjekt politik. Ai ka qenë mjek në profesion dhe ka drejtuar Drejtorinë Rajonale të Fondit të Sigurimit të detyrueshëm të Kujdesit Shëndetësor Tiranë. Ai është prangosur 6 vite më parë pasi akuzohej se i shkaktoi dëm rreth 56 milionë lekë shtetit.
Ky i fundit doli në skenë pasi u akuzua nga PD se ishte një ndër organizatorët e përplasjes fizike mes simpatizantëve të PS dhe PD Ditën e Verës të vitit 2021 në Elbasan. Ai është akuzuar edhe për laboratorin e drogës në Xibrakë të Elbasanit.
