Mbrëmjen e djeshme Kryeministri Edi Rama në një komunikim për mediat tha se do ia komunikonte përmes telefonit vendimin e PS-së Bajram Begaj i cili u zgjodh që të jetë kandidat për president.
“Bajram Bega shefi aktual i shtabit të përgjithshëm i forcave të armatosura. Është shëmbëlltyra e atij qytetarie dhe shërbimi ndaj vendit dhe njerëzve të këtij vendi për të cilin ajo zyrë ka nevojë urgjente.
Nga kush është propozuar? Është një nga kandidaturat e propozuara brenda PS. Nuk kam qenë ndër propozuesit dhe më vjen mirë që diskutimi në Kryesinë e PS ishte i hapur me shumë debat dhe frytmë pozitive dhe sens përgjegjësie për të cilat kemi nevojë në mbledhjet tona të brendshme.
Por Partia Demokratike nuk e pranon emrin e Bajram Begajt për postin e Presidentit të Republikës, i cili pritet që të votohet ditën e sotme në seancën planare në Kuvend.
Në një reagim në rrjetet sociale, deputeti Genc Pollo shkruan se Begaj ka përgjegjësi morale dhe penale për zhvatjen e bazave detare të Forcave të Armatosura që drejtoheshin prej tij. Genc Pollo është pjesë e grupit të deputetëve të “Komisionit të Rithemelimit” që drejtohen nga ish-kryeministri Sali Berisha.
Reagimi i parë nga Genc Pollo:
“B. Begaj ka direkt përgjegjësi morale, civile si dhe penale për zhvatjen e bazave detare të Forcave të Armatosura! Ai nuk mund të jetë President i Republikës!!! As Kryekomandant i Forcave të Armatosura!!!”
