Detaje të reja janë zbardhur nga mbytja e dy fëmijëve të mitur në liqenin e Prushit pasditen e sotme në Tiranë.
Burime nga policia bëjnë me dije se në liqen kanë qenë duke u larë 6 fëmijë, 4 prej të cilëve kanë mundur të dalin nga uji ndërsa 2 jo. Nuk dihet ende mosha e saktë e fëmijëve, por që paraprakisht dyshohet që ata të jenë të moshës 11 dhe 13-vjeç.
Me marrjen e njoftimit, shërbimet e Policisë kanë shkuar në vendngjarje dhe kanë nisur kërkimet.
Njëkohësisht drejt vendngjarjes janë nisur edhe polumbarët e Reneas, për të bërë të mundur gjetjen e trupave të dy të miturve. Grupi hetimor po punon për zbardhjen e plotë të rrethanave të ngjarjes.
Të miturit që kanë humbur jetën duke mos arritur të dalin në sipërfaqe janë M.T 13 vjeç K.T 10 vjeç, të dy vëllezër. 13 vjeçari është futur në liqen për të shpëtuar vëllain e tij.
Babai ndodhet në vengjarje, pasi ka arritur në vengjarje ka humbur ndjenjat dhe stafi mjekësor i ka dhën ndihmën e parë.
Tiranë/Informacion paraprak
Sot, rreth orës 18:05, në liqenin e Prushit, janë mbytur dy të mitur të moshës 11 dhe 13 vjeç.
Me marrjen e njoftimit, shërbimet e Policisë kanë shkuar mënjeherë në vendngjarje dhe kanë nisur kërkimet.
Njëkohësisht drejt vendngjarjes janë nisur edhe polumbarët e Reneas, për të bërë të mundur gjetjen e trupave të dy të miturve.
Grupi hetimor po punon për zbardhjen e plotë të rrethanave të ngjarjes.
