Mbrëmjen e djeshme një ngjarje tronditëse ka ndodhur në Komisariatin numër 3 në Tiranë, ku një polic ka vrarë për motive banale kolegun e tij 55-vjeçar. Ludian Zaimi ka qëlluar 7 herë mbi kolegun e tij Çaush Saliasi 55-vjeç, i cili ndërroi jetë në spital.
Ndërkohë që detaje të reja po zbardhen nga ngjarja, e cila është goditje e drejtpërdrejtë për imazhin e Policisë së Shtetit. Biseda e fundit midis viktimës dhe autorit të vrasjes është zbardhur nga “Ballkan Web”.
“Si do e lëmë bashkë?”, i është drejtuar Ludian Zaimi kolegut të tij Caush Saliasi dhe më pas e ka qëlluar me pistoletë në komisariat. Policia ka gjetur antidepresantë në shtëpinë e 25-vjeçari dhe mësohet se ai kishte marrë kontakte me një psikologe kohët e fundit.
Theksojmë se Zaimi kishte vetëm 1 vit e gjysmë që ishte bërë pjesë e forcave të policisë, ndërkohë që viktima kishte mbi 20 vite që shërbente për uniformat blu. Në deklaratën e tij pas ngajrjes, autori i vrasjes shprehet se kolegu i tij e kishte bullizuar dhe talluar përgjatë gjithë kohës dhe kishte gjera të akumuluara me të. Për të hetuar këtë ngjarje menjëherë është ngritur një grup pune nga ana e Autoritetit të Mbikëqyrjes Policore. Në ambientet e Komisariatit nr. 3 gjithashtu ka shkuar një grup i posaçëm nga Drejtoria e Përgjithshme e Policisë së Shtetit, përfshirë ekspertë të Drejtorisë së Standardeve Profesionale dhe nga Departamenti i Rendit dhe Sigurisë Publike.
