Me datë 25 maj do të mbahet ndeshja Roma-Face Feyenoord në stadiumin “Air Albania”, Tiranë.
Në kuadër të mabërëvajtjes dhe ruajtjes së qetësisë për finalen e Conference Leaguen policia e shtetit po merr masa. Ndërkohë që ditën e sotme sërish ministri i Brendshëm Bledi Çuçi ka bërë një tjetër apel.
Në një deklaratë për mediat, i shoqëruar nga drejtori i Policisë së Shtetit, Gledis Nano, Çuçi bëri thirrje që qytetarët të cilët nuk kanë një biletë të mos vijnë në Tiranë.
Po ashtu ai u kërkoi bankave dhe bizneseve private që ta bëjnë pushim të mërkurën. Ndërkohë, ministri sqaroi se ata që duan të dalin nga Tirana, do t’ju mundësohet një gjë e tillë përmes korridoreve të daljes. “I bëj thirrje bankave dhe bizneseve private ta bëjnë pushim në 25 maj. Kush ka për të dalë, patjetër që do të dalë përmes korridoreve të daljes”, tha Çuçi.
Finalja e Conference League më 25 maj në ‘Air Albania’ ku Roma luan përballë Feyenoord, përveç rëndësisë së saj, do të ketë edhe rëndësinë strategjike që policia e vendit do të testojë veten në menaxhimin e situatës së sigurisë dhe jo vetëm.
Idriz Daulle, shef i Sektorit të Rendit, Drejtoria Vendore e Policisë së Tiranën, bëri të ditur në emisionin e “MCN live”, se policia krahas hartimit të masave të sigurisë, ka instruktuar edhe policët që të jenë sa më dashamir karshi tifozëve, ndër të cilët ka zgjedhur punonjës policie që dinë gjuhën angleze dhe italiane.
