Një qendër tregtare në SHBA është tronditur nga një breshëri plumbash.
Të paktën 10 persona kanë mbetur të plagosur si pasojë e të shtënave me armë zjarri në një qendër tregtare në Karolinën e Jugut, SHBA. Policia lokale bën me dije se bëhet fjalë për Qendrën Columbiana, një qendër tregtare në kryeqytetin e shtetit.
Një person që nuk është identifikuar ende ka qëlluar me breshëri plumbash drejt njerëzve që kishin mbushur qendrën tregtare si çdo fundjavë. Për pasojë raportohet se 10 persona janë plagosur e janë dërguar në spital. Mes të plagosurve mësohet se ka edhe fëmijë.
Vetë qendra tregtare ka bërë me dije se do të qëndrojë e mbyllur deri në një njoftim të dytë. Autori është ende në arrati.
Theksojmë se sulmet në qendrat tregtare kanë qenë të shumta në SHBA.
Kujtojmë që në muajin tetor të vitit të kaluar dy persona mbetën të vrarë dhe katër të tjerë u plagosën pasi një person hapi zjarr në një qendër tregtare në Idaho, në SHBA. Policia ka njoftuar se autori i sulmit është arrestuar, ndërsa situata është në monitorim.
“Nuk mund të theksoj mjaftueshëm sa traumatike është kjo ngjarje për komunitetin në përgjithësi dhe për ata që ishin dëshmitarë ose familjarë të personave të përfshirë ose të përfshirë vetë”, tha Ryan Lee, komandant i policisë në Boise
