Sot do të zhvillohen zgjedhjet në 10 prej degëve të Partisë Demokratike, për kryetarët e rinj të kësaj force politike.
Pavarësisht përplasjeve të brendshme, Komisioni i Rithemelimit ka vijuar me procesin në bazë, edhe pse ndërprerja e zgjedhjeve është një prej kushteve që pala që kryesohet nga Alibeaj, ka vendosur për bashkimin.
Sot do të zgjidhen kryetarët e PD-së për Kuçovën, Skraparin, Elbasanin, Tropojën, dhe disa degë në Tiranë.
Njoftim i Komisionit të Organizimit dhe Kontrollit të Operacioneve Elektorale të Partisë Demokratike:
Komisioni i Organizimit dhe Kontrollit të Operacioneve Elektorale të Partisë Demokratike njofton që ditën e shtunë, dt 16 prill 2022, do të zhvillohen zgjedhjet për Kryetar në 10 degë të PD.
Procesi i votimit do të hapet në orën 8.00 e do të mbyllet në orën 18.00. Në rast se në Qendrat e Votimit do të ketë ende votues, procesi do të vijojë edhe pas orës 18.00, deri kur edhe anëtari I fundit I PD së degës përkatëse të ketë votuar. Për shtyrjen e votimit do të njoftohet Komisioni I Organizimit dhe Kontrollit të Operacioneve Elektorale.
Kandidatët e për Kryetar dege dhe Qendrat e votimit janë si më poshtë vijon:
PD dega Kucovë
- Nerjan Dine Pasho
- Myslim Isuf Haxhi
PD dega Skrapar
- Besnik Ali Osmani
- Hajredin Lahe Bakiasi
PD Dega Elbasan
- Blendi Ferdinand Himci
- Eliona Hetem Gremi
- Elior Flamur Vila
- Klodiana Ilir Capja
- Sonila Maksim Daiu
PD Dega Tropojë
- Besnik Xhafer Dushaj
- Feride Rexhep Rrahmanaj
- Ram Bajram Oruci
PD Dega 6 Tiranë
- Alban Feko Hoxhaj
- Onelda Gjin Zefi
PD Dega 10
- Andi Gani Beliu
- Ilir Halit Stojku
- Shkëlqim Muharrem Spaho
- Xhulia Aranit Xhekaj
PD Dega 11 Tiranë
- Arbër Ded Qehaja
- Shkëlzen Mark Mustafaj
- Ahmet Ali Meshi
- Mërgim Nazmi Hoxha
PD Dega 16 Tiranë
- Eduard Gani Rexha
- Ilir Lush Zmalaj
- Kujtim Veli Kola
Komisioni i Organizimit dhe Kontrollit të Operacioneve Elektorale fton të gjithë anëtarët e PD Të degëve të sipërpërmendura të bëhen pjesë e procesit të votimit për zgjedhjen e Kryetarit të degës së tyre sipas parimit “një anëtar një votë”, për një Parti Demokratike më të bashkuar, më të forte e më të hapur.
