Ditën e sotme gjatë fjalimeve të tij të herëpashershme në Kongresin që PS po zhvillon, kryeministri Edi Rama ka kërkuar ndaj grave socialiste që të merrnin në dorë pushtetin brenda partisë.
Ndërsa propozoi që në krye të organizatave të PS të viheshin kryetare gra, Rama tha se nëse këto të fundit do të mungonin në fushatë partia Socialiste do të ishte në gjendje shumë më të rëndë dhe jo në pushtet.
Kryeministri, Edi Rama: Shfrytëzojeni këtë dallgë sa më keni mua dhe merreni pushtetin në partinë Socialiste se më vonë nuk do keni mundësi. Kjo parti vërtet fiton por themeli i fitores në këtë parti janë gratë. Nëse në një moment t’i heqim gratë nga fushata dhe të dilnim vetëm me burrat, do ishim në një tjetër derexhe tani.
Gjithashtu Kryeministri i Shqipërisë, Edi Rama i ka bërë thirrje anëtarëve të PS që të tregojnë opinionet e tyre për kryetarët e bashkisë dhe strukturave drejtuese nëpër qytetet e vendit. Rama tha se kjo duhet kthyer në një kulturë pune për PS, në mënyrë që të mos përballen me humbje ose kryebashkiakë të arrestuar.
