Pasditen e sotme Kryeministri, Edi Rama ka reaguar menjëherë pas pezullimit të Rusisë në Këshillin e të Drejtave të Njeriut. Vendimi u mor në mbledhjen e OKB, ku u votua me 93 vota pro, 24 kundër dhe 53 abstenim.
Rama theksoi faktin që mes vendeve që votuan pro pezullimit të Rusisë, ishte edhe Serbia duke thënë se ky ishte një lajm i mirë për rajonin e Ballkanit.
Postimi i Plotë nga kryeministri, Edi Rama:
Pezullimi i Rusisë nga Këshilli i Sigurimit një refuzim i fortë për të pranuar shkeljen brutale të çdo lirie e të drejte dhe krimet mizore të luftës në Ukrainë. Rreshtimi i Serbisë përsëri me Perëndimin në këtë përshkallëzim të ri kundër agresionit rus, lajm i mirë për rajonin!
Kujtojmë se Asambleja e Përgjithshme e Kombeve të Bashkuara ka pezulluar këtë pasdite të së enjtes Rusinë nga Këshilli i saj për të Drejtat e Njeriut për shkak të shkeljeve të rënda dhe sistematike e abuzimeve të njerëzve, që pas pushtimit të Ukrainës prej kaq muajsh.
Vendimi u votua nga 93 vende pro, ndërsa 24 vende votuan kundër dhe 58 vende abstenuan. Një shumicë prej dy të tretash të anëtarëve me votim, duke përjashtuar abstenimet, ishte e nevojshme për të pezulluar Rusinë nga këshilli prej 47 anëtarësh.
