Ditën e sotme ish-kryeministri Sali Berisha komentoi nga Shkodra arrestimin e ish-deputetit të PS-së Alqi Bllakos. Berisha deklaroi se arrestimi është i kotë pasi ai që ka hedhur firmën është kryeministri Edi Rama. Sipas tij e gjithë kjo që po bëhet është një marrëveshje mafioze.
‘Kanë arrestuar Alqi Bllakon kur firmë ne ka vendosur Rama, Agaci, ministrat e tani duhet të thonë që është individuale. Jo, kanë dalë në dritën e diellit organizatë kriminale plotësojnë të gjithë kriteret ligjore për të qenë të tillë. Kjo aferë i nxori sic janë. Kjo është një nga aferat e tyre, atë që po bëjnë në energji ata është jashtë çdo imagjinate, janë lëshuar mbi pasuritë publike si të ishte pronë e tyre dhe nuk lëshojnë njëri-tjetrin, bëjnë marrëveshje mafioze për të mos çelur gojën. Një revolucion duhet t’i japë përgjigje kësaj klike e kam besim se do ia japë përgjigjen kësaj klike”, tha Berisha.
Kujtojmë se sot po mbahen homazhe në Shkodër në nderim të 4 dëshmorëve të 2 Prillit 1991, ku është i pranishëm dhe ish-kryeministri Sali Berisha.
Në këtë ceremoni janë prezent drejtuesit më të lartë të PD-së së Shkodrës, kryebashkiaku Bardh Spahia, dhe deputetët e PD-së që kanë qenë më së shumti në mbështetje të kryetarit të dorëhequr Lulzim Basha.
Ky është aktiviteti i parë ku përfaqësuesit e PD-së shfaqen të bashkuar.