Mbrëmjen e sotme i shumkërkuari, Nuredin Dumani është kapur në Fier, në sajë të një operacioni të zhvilluara nga Renea. Burime mësojnë se Dumani ka qenë i përfshirë në ngjarjet e pasdites në Elbasan ku u krye atentat ndaj shtetasit të shpallur në kërkim, Talo Çela.
Policia ka marrë informacioni për këtë ngjarje dhe nga informacionet operative ka mësuar se Dumani pas ngjarjes është larguar për në qytetin e Fierit dhe pas ndërmarrjes së këtij operacioni ka bërë të mundur arrestimin e tij në nje bllok pallatesh në lagjen “Apollonia”.
Sipas informacioneve të siguruara, Dumani ka qenë i armatosur dhe i plagosur në momentin e arrestimit nga forcat speciale “RENEA”.
Nuredin Dumani dyshohet se ka ekzekutuar vëllain e Bujar Çelës në Elbasan, si shkak i përplasjes së grupeve kriminale për prishjen e pazareve të drogës. Ai ka qenë i shpallur më parë në kërkim për vrasjen e vëllezërve Viktor dhe Besmir Haxhia në Durrës.
Mbrëmjen e sotme është arrestuar Nuredin Dumani i shumëkërkuari nga policia. Arrestimi i tij ka ardhur pak orë pas atentatit të ndodhur në Elbasan, ku dyshohet se sulmi u organizua ndaj Talo Çelës, një tjetër personi të njohur për drejtësinë.
Gjatë momentit të arrestimit, Dumani ka qenë i plagosur dhe i janë gjetur një numër i madh armësh.
Po kush është Nuredin Dumani?
Nuredin Dumani është një emër shumë i njohur për policinë. Emri i tij u lakua në tetor të vitit 2020, kur ai u shpall në kërkim si autor i vrasjes së Bujar Çelës, vëllai të Talo Çelës.
Ai është autor i dyshuar edhe për vrasjen e vëllezërve Haxhia në Durrës, ngjarje kjo e kryer në bashkëpunim me Talo Çelën, sipas Policisë dhe dy personave të tjerë.
