Pas zjarrit të vënë mbrëmjen e djeshme në komisariatin nr.5 në Kamëz ka reaguar me një deklaratë të fortë edhe gazetarja Klodiana Lala, ku nëpërmjet një statusi në rrjetin e saj social, ‘Facebook’, Lala shkruan se pse ende nuk ka dhënë dorëheqjen asnjë zyrtar policie pas vdekjes së 26-vjeçarit brenda ambienteve të komisariatit, ku supozohet të jetë vend i sigurt.
Gjithashtu Lala shprehet se polici që të vret me plumb të djeg edhe në qeli!, ku le të nënkuptohet se ngjarje të tilla kanë ndodhur edhe më parë me punonjës policie në vendin tonë.
Postimi i Klodiana Lalës
Nje 26-vjecar nderron jete nga asfiksia ne ambjentet e Komisariatit nr.5 dhe ende asnje zyrtar policie nuk ka dhene doreheqjen! Rende e me rende po shkon ceshtja! Polici qe te vret me plumb pas shpine dhe te djeg ne qelite e burgut!!
Kujtojmë se zjarri dyshohet se u vendos nga dy të paraburgosurit, Arben Mici dhe Dilaver Idrizi, të cilët tentuan arratisjen me këtë plan. Fatkeqësisht Mici humbi jetën ndërsa Idrizi ndodhet në spital me djegie të rënda në trup. Për këtë ngjarje janë vënë në pranga 2 inspektorë policie dhe 3 të tjerë. Në pranga kanë rënë inspektorët Fatmir Isufi dhe Hajredin Boja, ky i fundit mbeti dhe vetë i lënduar, ndërkohë që janë proceduar inspektorët Lutfi Muça, Mark Marashi dhe komisar Ylli Çollaku. Agjensia e Mbikqyrjes Policore, njofton se inspektorët janë arrestuar për shkak se kanë lejuar lëndë ndezëse në qelinë ku po mbaheshin dy të paraburgosurit Dilaver Idrizi dhe Arben Mici.