Sonte po zhvillohet një sfidë miqësore mes Shqipërisë dhe Spanjës, në “shtëpinë” e Keidi Bares, stadiumin e Espanyol.
Duket një provë e vështirë për të Kombëtaren tonë, por gjithashtu një mundësi e mirë për t’u rritur kundër një prej përfaqësuesve më të forta në botë.
Theksojmë se spanjollët kanë dominuar në 45 minutat e para, duke tentuar portën në 3-4 raste të mira shënimi, por Berisha ka qenë në lartësinë e duhur. Kuqezinjtë kanë pretenduar një penallti, ndërsa në fund të fraksionit të parë patën një shans të artë me Cikalleshin, pas pasimit të mirë të Brojës.
Disa momente të rëndësishme të lojës:
Në minutën e 45’ Sarabia tenton portën nga një goditje dënimi , por nuk gjen katërkëndorin.
Në minutën 44’ Karton i verdhë për Gjimshitin pas një faulli ndaj Moratës.
Në minutën 43’ Shpërthim spektakolar i Brojës në krahun e djathtë, kalon dy mbrojtës dhe nis topin për Cikalleshin i cili nuk arrin të devijojë para portës.
Në minutën 38’ Shpërthim i Brojës në krahun e djathtë, ku bën 40 metra me topin në këmbë mes futbollistëve kundërshtarë dhe në fund fiton një goditje këndi.
Në minutën 34’ Pedri provon me një gjuajtje të shpejtë nga e majta e sulmit, Berisha është në pozicion.
Në minutën 28’ Presing i lartë i përfaqësueses shqiptare, që mundohet të mbajë Spanjën sa më larg portës së Berishës, duke ndaluar ndërtimin e aksioneve nga mbrojtja.