Kryeministrja e Britanisë së Madhe, Theresa May është duke ezauruar çdo mundësi për të marrë edhe pak më shumë kohë për Brexit, por mesa duket nuk është duke shkuar gjithçka mirë.
Edhe një herë tjetër May i ka dërguar një letër shefit të Këshillit Europian, Donald Tusk, duke i kërkuar shtyrjen e Brexit nga 12 prilli i vendosur tashmë, për në 30 qershor.
Ajo që kryeministrja është duke u përpjekur të bëjë, lidhet me sigurimin e një marrëveshjeje para zgjedhjeve evropiane të cilat zhvillohen në 22 maj dhe ripërsërit edhe një herë se në rast se pranohet marrëveshja për Brexit, atëherë Britania do kalojë në zgjehdje të parakohshme, pasi May do të jap dorëheqjen.
Mirëpo mesa duket BE nuk është më aq e disponueshme sa më parë. Burime nga Unionin bëjnë me dije se krerët e shteteve anëtare e refuzojnë datën e dytë që kërkon May, e për më tepër pritet që përgjigjja të jetë pozitive vetëm në rast se nënshkruhet një marrëveshje njëvjeçare.
