Mbrëmjen e sotme Edlira Çepani aktiviste e shoqërisë civile, e ftuar në studion e ‘Fax News’ tha se kërkesat nga protestuesit kundër rritjes së çmimeve janë përpiluar nga ekonomistë dhe se nuk janë të parealizueshme.
Në analizën e saj, Çepani u shpreh se kjo politikë terrori e përdorur nga kryeministri Edi Rama është për t’i bërë njerëzit që të dynden drejt blerjeve, dhe si pasojë e kërkesës së lartë të abuzohet në treg me çmimet e larta.
Pjesë nga intervista
Çepani: Ne i bëmë kërkesat duke qenë se qeveria dhe ekspertët e saj të ekonomisë kanë pritur të bëhet një plan se si mund të tejkalohet kriza dhe kjo gjë nuk erdhi, erdhi një paketë e dobët masash që protestuesit e quajtën paketë karamelesh dhe duke qenë se u prit shumë gjatë kjo masë, grupet e interesit u ulën se bashku dhe përpiluan këto kërkesa.
Paketa ka 3 lloje shtyllash, ulja e barrës fiskale, pezullimi i përkohshëm i taksës së qarkullimit dhe zerimi i TVSH-së për produktet e shportës.
Nëse ulet barra fiskale shteti ka më pak të ardhura, arsyeja pse nuk ulet është se nuk ka buxhet. Duhet mirëmenaxhuar buxheti i shtetit dhe mbështetja e sektorit ekonomik, ka ardhur momenti për të vendosur minimumi jetik dhe rishikimi çdo vit.
Mbështetja e fermerëve po ashtu, e studentëve, pensionistëve, dhe këto masa po merren nga të gjitha shtetet europiane.
Deri tani nga masat e marra, nga 7 5 janë ekzistente në buxhetin e 2022. Nëse nuk plotësohen kërkesat ka një problem që ekziston.
Ne mund të kërkojmë shumë gjëra por do shohim dhe mënyrën si ka funksionuar poltika në këto vite, shumë rrallë ka funskionuar me dorëheqje. Në raste të tilla kur qeveria nuk i përgjigjet kërkesave të qytetarëve dhe i vjen turp se ata protestojnë për të drejtat e tij. Asnjë kërkesë nuk është e parealizueshme, janë bërë nga ekonomistë.
Pyetje:Janë bllokuar pikat e eksporteve të naftës, rrezikojmë të mbetemi pa të, si i komentoni deklaratat e Ramës?
Çepani:Politika mund të behet me terror, për qytetarët dhe tregu, kështu dynden qytetarët duke blerë gjithçka si në kohën e Covid. Ka luhatje të frikshme me çmimet duke ditur se rritet kërkesa. Mungon kontrolli dhe tregtarët abuzojnë dhe nuk funksionon mbrojtja e konsumatorit.
