Që prej mesditës së sotme Partia Demokratike ka mbledhur grupin e saj parlamentar për të diskutuar mbi rezultatin e arritur në zgjedhjet e pjesshme të 6 marsit.
Shumica e deputetëve i kanë kërkuar Bashës që të ‘bëjë një hap pas’, ku mes tyre janë kreu i grupit parlamentar, Enkelejd Alibeaj.
Konkretisht ai ka thënë:
“Tre janë konkluzionet: një hap pas i zotit Basha e zotit Berisha, grup i përbashkët pune, zgjedhjet me qëllim rindërtimin e besimit pas bashkimit të Partisë”- tha Alibeaj.
Gjithashtu deputeti Tomor Alizoti ka folur pasi ka dalë nga mbledhja e grupit parlamentar i PD. Ai tha se ka kërkuar dorëheqjen e Bashës, si pjesa tjetër e grupit.
Deklaratave të Bashës se duhen bërë hapa pas, Alizoti iu përgjigj duke thënë se është thjesht një taktikë.
Ai shkoi më tej duke thënë se PD nuk është më parti politike.
Alizoti: Një pjesë e madhë është për dorëheqje , të gjithë folën në mënyrë brilante, të vish në 2022 e të gjesh një parti që më kujton partinë popullore, nuk është parti dhe duam të jemi pjesë e perëndimit, cdo kryetar duhet të jap dorëheqjen, modeli putinist është të rrish në pushtet. Ka përdorur hapa pas, dorëheqja është doreheqje, ai nuk do dorëhiqet, mban përgjegjësi personale, e deklaron para popullit, mbaj përgjegjësi, dhe kjo nuk ndodhi, po shkon në një psikozë, nuk është parti politike dhe duhet që në njëri të hapi krahun, të marri frymë një parti, pse është kaq e vështirë. Është bërë kopësht fëmijësh.
