Mbrëmjen e sotme në ditën e tretë të protestës kundër rritjes së çmimeve mori pjesë edhe Gazetari Marin Mema i cili “çon peshë” të gjithë protestuesit përballë Kryeministrisë duke i kërkuar që ka ardhur koha që të çohen të gjithë shqiptarët për të drejtat e tyre.
Gjatë fjalës, Mema tha se Shqipëria duhet të protestojë për një të ardhme më të mirë.
Marin Mema: “Kush ka thënë që nuk bëhet Shqipëria? Shqipëria bëhet me zemër bëhet me shpirt për flamurin tonë jo për flamurin e partive. Të gjithë bashkë e bëjmë këtë vend të jashtëzakonshëm. Ka njerëz që duan ta masakrojnë. Sot është koha që të gjithë bashkë të bëjmë për vendin tonë për të ardhmen tonë për flamurin tonë. Është koha tu japin mundësi të rinjve të kenë gjithçka këtu në vendin tonë. Tregoni këtyre talenteve se çfarë mund të bëjnë shqiptarët bashkë. (Thirrje: “Rama ik”, “Rama ik”). Zemra e Shqipërisë janë shqiptarët e thjeshtë që mundet ta bëjnë këtë vend, merrni miq për ta bërë Shqipërinë një vend të denjë”
Gjithashtu edhe një prej studentëve protestues: Mos u mashtroni nga ky mashtrues kronik dhe nga lajmet e tij. Me një mashtrues kronik dhe hajdut kronik mos thuaj se ne jemi hajdutat. Nuk jemi ne hajdutat, ti je hajduti. Mos u mashtroni nga lajmet që bën me oligarkët me të cilët është i zhytur në pisllëk. Sot mund të ulë çmimin por nesër mund ta ngrejë sërish. Kështu që vetëm kur të heqë TVSH-në mund të përfundojë kjo. Ju bëj thirrje policëve mos të na arrestojnë se ne jemi bijtë tuaj. Sepse nesër Rama nuk do dijë nga t’ja mbajë nga revolta popullore. Nesë në orën 11:00 merrni vëllezërit dhe bijtë tuaj dhe le t’i tregojmë Edi Ramës se çfarë fuqie ka populli shqiptar.
