Ditën e sotme Kryetari i Partisë Demokratike, Lulzim Basha i ka bërë thirrje qeverisë pas rritjes së çmimit të karburantit në 230 lekë/litër.
Me anë të një video-mesazhi, Basha thotë se qeveria duhet të heqë taksën “Rama” mbi karburantin si dhe të marrë masa të tjera shtesë në ndihmë të qytetarëve.
“Përshëndetje të dashur miq, siç e shikoni çmimi i naftës ka arritur në 230 lekë për litër. I bëj një thirrje qeverisë që të marrë masa për të hequr taksën e qarkullimit Rama mbi karburantin, 240 lekë për litër. Duke marrë masa të tjera shtesë për të stabilizuar, në këto ditë të vështira çmimin e karburantit i cili ka një efekt të drejtëpërdrejtë në mallra dhe shërbimet bazë për gjithë qytetarët. Është detyra e qeverisë t’u vijë në ndihmë njerëzve dhe biznesit në këto kohë të vështira. Dhe qeveria shqiptare i ka të gjitha mundësitë që të ulë taksat në mënyrë që t’u vijë në ndihmë njerëzve në nevojë në mënyrë që ju të paguani më pak për karburantin dhe më pak për mallrat e tjera bazë, çmimi i të cilave ndikohet direkt nga çmimi i karburantit. Përsëris thirrjen që qeveria t’u vijë në ndihmë njerëzve duke bërë të mundur që çmimi i karburantit të mbahet nën kontroll, përmes uljes së taksave” – tha Basha.
