Detaje të rënda kanë dalë në dritë nga krimi i rëndë që ka tronditur Devollin këtë të shtunë, ku dy shtetase janë gjetur të vrara në banesën e tyre.
Sipas informacioneve viktimat ishin nuse dhe vjehrrë dhe jetonin te dyja se ishin te veja. Mësohet se ato janë Bukurie Bami (vjehrra) dhe Fatmira Bami.
Dyshohet se në banesën e tyre autori ka hyrë për të vjedhur dhe më pas është perleshur e ka dhunuar per vdekje grate. Policia po bën kontrolle në një zonë malore nga dyshohet se është larguar autori.
Pas ngjarjes së rëndë arrihet të zbulohet autori dhe të arrestohet duke treguar arsyet e ngjarjes.
Burime bëjnë me dije se është arrestuar autori, i quajtur Ali Zili i cili ka shkaktuar këtë ngjarje.
Sipas dëshmive paraprake , autori pas ngjarjes ka ikur në mal. Ndërkohë me kërkimet e policisë ai është gjetur dhe është arrestuar, ndërsa aktualisht po transportohet në policinë e Korçës ku edhe do të merret në pyetje.
Autori ka goditur viktimat me sende të forta, pasi ka tentuar të grabisë banesën dhe ka hasur në rezistencë. Mësohet se viktimat ishin nuse dhe vjehrre dhe jetonin të dyja prej kohësh pasi bashkëshortët u kishin humbur jetën, ndërsa fëmijët i kishin në Greqi.
