Ditën e sotme Ministria e Infrastrukturës, Belinda Balluku ka bërë bilancin pas reshjeve të dendura të dëborës, dhe temperaturave të ulëta ku raportohet se të gjithë akset janë të hapur për qarkullim.
Ndërkohë për sa u përket temperaturave, Ministria e Infrastrukturës raporton se zona me e ftohtë do të jetë në Shishtavec ku temperatura përllogaritet të jetë deri në -16 gradë celcius. Temperatura të tjera të ulëta do të shënohen në Ersekë dhe në Dardhë përkatësisht -12 gradë celcius, e cila do të shkaktojë dhe probleme me furnizimin me ujë: “Në Kukës është çarë linja kryesore për shkak të ngricave. Në rrethet e tjera furnizimi me ujë është normal. Në stacionet e Pompimit nuk ka probleme përfshi edhe furnizimin me energji elektrike”.
Për sa i përket furnizimit me enegji elektrike, Ministria e Infrastrukturës saktëson se janë riparuar 10 difekte në qytetet Shkodër, Berat, Lushnje dhe Gjirokastër.
Qarkullimi në akset rrugore nuk ka shfaqur probleme në 24 orët e fundit. Në tabelën e publikuar, Ministria rendit të gjitha akset rrugore në vend dhe masat se si duhet të lëvizin drejtuesit e automjeteve. Përveç aksit Ura e Çerenecit-Klenjë ku lejohet përdorimi i zinxhirëve në goma, në të gjitha rrugët e tjera drejtuesit e automjeteve duhet të përdorin goma dimërore.
