Ditën e sotme ish anëtari i Komisionit Qendror të Zgjedhjeve, Hysen Osmanaj ka qenë i ftuari i ditës në studion e Fax News ku ka folur lidhur me shpalljen e datës së zgjedhjeve të pjeshshme lokale dhe dilemën se cili kah i PD mund të garojë në këto zgjedhje.
Osmanaj tha se PD duhet të priste vendimin e gjykatës që këtë rast është vonuar për të nxjerrë vendimin lidhur me vendimet e marra në Kuvendin e 11 dhjetorit. Në këtë rast Komisioni Qendror i Zgjedhjeve nuk ka gjë në dorë veçse të presë vendimin e gjykatës për të përcaktuar se cili prej grupimeve përfaqësonte partinë Demokratike.
Ndërsa shtoi gjithashtu se Komisioni i Rithemelimit të PD, kishte mënyra të tjera për të marrë pjesë në zgjedhjet e pjesshme lokale që sipas tij konsistonin në shpalljen e kandidaturave të pavarura apo koalicionin me parti të tjera politike.
Osmanaj: Tani është bërë faktike që data 6 mars do jetë data e zgjedhjeve të pjesshme vendore për 6 bashki që nuk kanë kryetar të zgjedhur. Këto zgjedhje janë mazhoritare se janë për kryetar, jo për këshilla bashkiakë. Dhe ka 3 mënyra sesi mund të shpallen kandidaturat: Si kandidatë të pavarur, përfaëqsues të forcave politike ose të koalicioneve zgjedhore. Si fillim duhet të regjistrohen forcat politike që duan të garojnë.
Pyetje: Pra Komisioni i Rithemelimit të PD ka hapësirën ligjore që të kandidojë në zgjedhje me kandidatë të pvarur?
Osmanaj: Po e ka këtë mundësi ose të jenë edhe në koalicion në forca të tjera.
Pyetje: Po nëse do jenë një shtojcë e PD?
Osmanaj: Për mendimin tim, gjykata madje është vonuar për këtë çështje. KQZ ka të përcaktuar në procedurë se kur do regjistrohen forcat politike. Ndërsa datat për të dorëzuar dokumentat e nevojshme nga partitë politike, do të përcaktohen nga ana e KQZ.
Pyetje: Në rast se të dyja kahet e PD shkojnë në të njëjtën sigël?
Osmanaj: Në rradhë të parë kjo është e pamundur sepse duhet të merret vendimi nga gjykata se cila prej tyre është PD. Në këtë rast KQZ është vetëm zbatues, në dorë e ka gjykata tashmë.
Përgatitja e zgjedhjeve të pjesshme për kaq pak kohë
Osmanaj: Unë mendoj se është e mjaftueshme sepse edhe në ligj është përcaktuar se kur ka vakanca për kryetarët e bashkive, jo më vonë se 45 ditë, presidenti duhet të përcaktojë datën e zgjedhjeve. KQZ mendoj se ka marrë masat përgatitore sepse dihet prej kohësh që këta bashki janë pa kryetar.
