Një ngjarje e rëndë ka ndodhur në Bullgari. Një autobus me 29 pasagjerë nga Kosova është aksidentuar. Bëhet e ditur se 29 pasagjerë shqiptarë, gjashtë prej të cilëve janë fëmijë, u dërguan pranë qendrave shëndetësore, teksa ndodhen nën kujdesin e mjekëve.
Sipas “Nova.bg”, aksidenti ka ndodhur në unazën e Kyustendilit, në Bullgari. Sipas struma.bg, rreth orës 04:30, një autobus me pasagjerë nga Kosovë ka goditur një kamion të ndaluar që transportonte dru. Drejtuesi i kamionit raportohet se po përpiqej t’u tregonte të tjerëve në trafik se një pemë kishte rënë në rrugë. Autobusi e goditi kamionin dhe ai doli nga rruga.
Shoferi i autobusit ka pësuar lëndime të lehta dhe është dërguar në Qendrën Mjekësore Qendrore në Kyustendil për ekzaminime dhe ndihmë. Vendi i ngjarjes është ekzaminuar nga Policia, ndërkohë që për aksidentin ka nisur procedimi paraprak dhe është njoftuar prokurori. Ndërkohë kujtojmë se para pak kohësh, në autobus me udhëtarë është aksidentuar rreth 40 kilometra në jug të kryeqytetit Sofje.
Njoftohet për dhjetëra të vdekur me origjinë kryesisht nga Maqedonia e Veriut. Dyshohet se shumë prej tyre janë shqiptarë. Të premten, më 3 dhjetor, në Maqedoninë e Veriut janë dorëzuar trupat e pajetë të 45 personave që vdiqën më 23 nëntor, në Bullgari në aksidentin me autobusin e agjencisë “Besa Trans”.
Trupat e viktimave janë bartur me dy avionë ushtarakë bullgarë, ndërsa në Aeroportin e Shkupit janë pritur nga drejtuesit më të lartë të institucioneve e përfaqësues nga Kosova e Shqipëria, dhe më pas në mënyrë të organizuar u janë dorëzuar familjarëve në vendbanimet e tyre ku edhe janë varrosur.
