Në Qipro u lëshua alarmi për për mundësinë e qarkullimit të një varianti të ri të koronavirusit . Por duket se gjithçka ka ardhur nga një gabim teknik. Të shtunën u raportua se në Qipro ishin zbuluar 25 raste të një varianti të ri që u emërua “Deltacron”.
U quajt me këtë emër pasi rastet e identifikuara kishin variantin Omicron me background gjenetik të Delta-s.
Por, ditën e sotme, “gabimi teknik” u njoftua me anë të një postimi në Facebook nga asistent profesor i Virologjisë në EKPA dhe anëtar i komisionit të ekspertëve Gikas Majorkinis .
“Lidhur me Deltacron (përzierjen e Delta dhe Omicron) në Qipro, që u raportua në mediat e vendit kohëve të fundit, analizat e para të pavarura tregojnë se bëhet fjalë për një gabim teknik të laboratorit në procesin e leximit të gjenomit,” thuhet në postim.
Sipas Leondios Kostrikis, profesor i shkencave biologjike në Universitetin e Qipros dhe ekipIt të tij u identifikuan 25 infektime me variantin e ri. Zbulimi u quajt “deltacron” për shkak të identifikimit të nënshkrimeve gjenetike të ngjashme me omikronin dhe deltën.
Ndërkohë duhet të theksojmë që varianti “Omicoron” tashmë ka alrmuar të gjithë botën, dhe thkesi në shumë studime vendoset tek aftësia e tij për t’u përhapur shpejt sesa tek rrezikshmëria e tij.
Studimi i fundit nga fundit nga shkencëtarët francezë tregon se varianti “Omicron” mund të jetë 105% më i transmetueshëm se varianti “Delta”.
Sipas medieve të huaja, studiuesit përdorën modele statistikore për të vlerësua transmetimin e variantit Omicron në Francë duke përdorur teste të shqyrtimit të varianteve specifike dhe renditen e plotë të gjenomit.
Studimi, i cili u publikua në faqen “medRxiv” dhe ende nuk është rishikuar nga kolegët, analizoi 131,478 teste të shqyrtimit në Francë nga 25 tetori deri më 18 dhjetor të vitit 2021.
Rezultatet treguan se tek të rinjtë, prevalenca e infeksionit me variantin Omicron ose variantin Alfa ishte më e lartë se ajo e variantit Delta.
