Covid vijon të jetë prezentë ende, ndërsa rastet e të prekurve janë rritur ndjeshëm. E ndonëse ky virus i cili shumë herë është treguar i egër dhe ka marrë shumë jetë njerëzish, shumë qytetarë të prekur nga Covid nuk pranojnë të shkojnë në spitalet edhe kur gjendja e tyre shëndetësore ka nevojë për trajtimin e mjekut.
Në shumë raste kombinimi i trajtimit mjekësor ambulator me atë spitalor në kushte shtëpie, e agravon më shumë gjendjen shëndetësore të pacientit. Trajtimi në kushte shtëpie, mund të bëjë që Covid të prekë më shumë se 80 % të mushkërisë. Lidhur me këtë zgjedhje që bëjnë pacientët e infektuar, ka reaguar edhe Skënder Brataj, drejtor i Urgjencës Kombëtare i cili e konfirmon këtë fakt.
Brataj:
Nuk është më virusi që ka dëmtuar mushkërinë dhe ka ulur oksigjenin por është një komplikacion i mjekimit shumë të rëndë që bëhet në banesë, me terapi endovenoze të cilat sigurisht janë për në spital dhe jo për në banesë. Trajtimi me antibiotikë apo antiviralë të cilat nuk kontrollohen ditë për ditë siç bëhet në spital apo përmes analizave imazherike
Ndër të tjera, Brataj këshillon qytetarët të testohen sa më pare e të mos neglizhojnë asnjë simptomë, pasi këto ditë kanë festuar të shfrenuar e të mos lejojnë përhapjen e mëtejshme të mutacionit “Omicron”. Pandemia e Covid nuk la moshë pa prekur, teksa numri i fëmijëve të infektuar me virus në Shqipëri është rritur ndjeshëm, por e kundërta ka ndodhur me numrin e shtrimeve në spitale të kësaj grupmoshe.
Mësohet se fëmijët e prekur, kanë simptoma më të lehta dhe shërohen më shpejt, madje edhe duke u trajtuar në kushte shtëpie.
