Sot Greqia shënoi një rekord të zi me 9284 raste me koronavirus brenda 24 orëve. Në rritjen e fortë të numrit ka ndikuar padyshim varianti i ri “Omicron”.
Nesër specialistët parashikojnë një tjetër rekord, mbi 10 mijë të infektuar. Por cilat janë kategoritë që po prek më shumë varianti i ri i COVID-19?
Mjekët grekë theksojnë se transmetimi i virusit është më i madh te moshat më të reja, 18 deri në 30-vjeç për shkak të rritjes së lëvizshmërisë. Të infektuarit nga kjo grupmoshë përbëjnë tre nga katër raste (75%), ndërsa një në pesë (30%) janë nën 18 vjeç.
Vetëm 6% e përhapjes ka të bëjë me qytetarët e moshës 60 vjeç e lart. Për shkak të situatës së krijuar, Greqia forcoi akoma më shumë masat kundër përhapjes së COVID-19.
Kujtojmë se shqetësimet rreth shpërndarjes së variantit Omicron të koronavirusit e kanë detyruar epidemiologun kryesor në SHBA dhe njëkohësisht këshilluesin e Shtëpisë së Bardhë Anthony Fauci që t’u bëjë thirrje amerikanëve të anulojnë festimet e planifikuara për Vitin e Ri.
“Do t’u qëndroja larg,” tha Fauci për CNN kur e pyetën.
“Unë u kam thënë vazhdimisht qytetarëve që nëse jeni të vaksinuar dhe me dozë përforcuese dhe keni një bashkim familjar në shtëpi, me familjen dhe të afërmit, është në rregull. Por kur flet për një festë natën e Vitit të Ri, bëhet fjalë për 30, 40-50 njerëz që festojnë. Nuk dihet se në çfarë statusi vaksinimi janë. Unë do të rekomandoja të qëndroni larg festave këtë vit”/ Voa
