Pak pas mesnate, në Kretë të Greqisë, është regjistruar një aksident tragjik, me një viktimë. Mësohet se si pasojë e shpejtësisë, makina ka humbur kontrollin duke u përmbysur dhe për pasojë ka ndërruar jetë i riu 29-vjeçar që sipas “Cretalive.gr” është një shtetas me origjinë shqiptare.
I ndjeri që humbi jetën është identifikuar si Enkeled Biba. I riu ishte duke udhëtuar me shpejtësi ‘skëterrë’ në momentin kur makina iu përmbys dhe u përplas me disa pemë ulliri në rrugë. Ndërkohë të afërmit e të ndjerit, në Shqipëri, kanë publikuar në rrjetet sociale, lajmin e trishtë të ndarjes nga jeta të Enkeled Bibës.
Ka qenë pikërisht i ati i të ndjerit, tonin Biba, i cili përmes rrjetit social Facebook, ka bërë me dije ndarjen nga jeta në moshë të re të djalit të tij, ndërsa mes dhimbjeve për vdekjen e parakohshme të Enkeledit, Tonin Biba prek me postimin e bërë.
Babai i të ndjerit shkruan:
Me hidhërim të thellë ju njoftojmë për vdekjen e parakohshëm të djalit tonë Enkeled Biba. Humbja e jetës, djalit tonë.
Enkeled Biba ishte me origjinë nga Lezha, por prej vitesh jetonte dhe punonte në Kretë.
Ndërkohë pas aksidentit tragjik, autoritet në Greqi kanë nisur menjëherë hetimet për të zbardhur të gjithë dinamikën e ngjarjes që solli vdekjen e të riut 29-vjeçar.
