Tanimë që “Kënga Magjike” e shpalli fituesin për këtë vit, të gjithë vëmendjen e rrëmben Festivali i 57-të i RTSH-së, që pritet të mbahet në datat 20, 21 dhe 22 dhjetor në Pallatin e Koncerteve. Ditën e sotme, janë bërë publike edhe emrat e dy personazheve shqiptarë, që do të vijnë në rolin e prezantuesve të festivalit.
Aktori i njohur Viktor Zhusti si dhe ylli ndërkombëtar, aktorja shqiptaro-kanadeze Ana Golja kanë pranuar ftesën e produksionit për të prezantuar përgjatë tre netëve të festivalit. Këtë herë, dyshen simpatike nuk do e shohim në skenë duke aktruar, por do të përcjellin tek publiku një tjetër lloj emocioni.
Këngëtarët e përzgjedhur për netët finale në Festivalin e 57 të RTSH-së janë Aurel Thellimi, Bojken Lako, Lorela Sejdini, Bruno Pollogati, Dilan Reka, Eliza Hoxha, Elona Islamaj, Orgesa Zaimi, Elton Deda, Eranda Libohova, Soni Malaj, Gjergj Leka, grupi Alar Band, Jonida Maliqi, Kelly, Klint Çollaku, Klodiana Vata, Kujtim Prodani, Lidia Lufi, Marko Strazimiri & Imbro, Mirud.
Por kush është Ana Golja?
Ana Golja është aktore shqiptaro-kanadeze, e cila hodhi hapat e parë të karrierës në vitin 2005. 22-vjeçarja është e njohur në rolin e Zoe Rivas në dramën “Degrassi: Next Class”.
