Në mbledhjen e sotme kryetarja Jorida Tabaku vendosi se institucionet shtetërore të cilët kanë marrë pyetje nga Komisioni Hetimor për Inceneratorët duhet të kthejnë përgjigje deri në mbledhjen e radhës të këtij komisioni, ose në të kundërt do të paditen.
Ndërsa tha se për pyetjet e drejtuara nga opozita janë 19 institucione që janë përgjigjur dhe end ende pritje të 23 të tjerëve, ndërsa për pyetjet e drejtuara nga maxhoranca është kthyer përgjigje nga 10 institucione dhe ende nuk ka ardhur një përgjigje nga 5.
Nëse deri mbledhjen e ardhshme institucionet nuk kthejnë përgjigje për kërkesat tona, do përgatisim padi për institucionet që nuk e kanë sjellë. Do bëj padi penale nëse nuk na kanë ardhur përgjigjet. Kemi ezauruar çdo afat kohor”, tha Tabaku.
Kjo u kundërshtua nga PS, ku Ermonela Felaj u shpreh se nuk ata nuk do të votojnë pro.
“Nëse procedohet me kallëzim do të jetë vendimmarrje juaj, jo e jona. Afati 5 ditor që figuron në disa shkresa nuk është një afat që detyron çdo institucion dhe këtë po e them parimisht. Nga 46 shkresa vetëm 9 nuk kanë ardhur dhe pa u përmbushur afati 5 ditorë. Unë do ju ftoja që të mos e bëjmë këtë debat, ju bëjeni, por qëndrimi ynë është që nuk do të kallëzojmë asnjë penalisht”, tha Felaj.
Sipas Tabakut, mungesa e përgjigjes nga disa institucione megjithatë nuk do të pengojë vazhdimësinë e punës së komisionit dhe në mbledhjen e radhës do të procedohet me planin e hetimit, një propozim ky që u bë edhe maxhoranca.
“Këtë informacion që kemi ta administrojmë, palët të fillojnë me planin e hetimit që të fillojmë dhe të nisim me hetimin. Mbledhjen e ardhshme do të fillojmë me planin e hetimit”.
Mbledhja e javës së Komisionit Hetimor u përcaktua për ditën e martë të javës që vjen.
