Dhuna është prezentë në shkolla dhe ky është një fenomen global tashmë, ku më të fortit sulmojnë atë që konsiderohen më të “dobët” në shoqerinë e tyre.
Por një video e postuar në rrjete sociale që është bërë virale, shihet një i ri duke sulmuar një vajzë, por që shpejtë pendohet për këtë veprim, transmeton Telegrafi.
Videoja është filmuar në një shkollë të mesme në Sonoma Valley të Kalifornisë, dhe shfaq momentin kur një vajzë rrah brutalisht të riun që tenton ta keqtrajtojë.
Ajo kishte gjashtë vite që praktikonte artet e përziera marciale MMA, duke vendosur kështu t’i thotë mjaft keqtrajtimit dhe të reagojë në mënyrën e “duhur”.
U ballafaqua me sulmuesin i cili e fyente, shante dhe i hodhi shishen me ujë në fytyrë – por aty mbaroi gjithçka. Ajo iu kundërvu duke e përplasur për tokë dhe e goditur me gjunjë në fytyrë.
Ajo që vlen të theksohet pertej këtij rasti ku vajza ia ka dalur të vetëmbrohet vetë si pasojë e aftësive të saj të arteve marciale, është prezenca masive e dhunës në shkolla.
Duhen marrë masa konkrete për ta reduktuar këtë fenomen i cili rrit një brez të dhunshëm dhe bulizues.
Në këtë gjendje ndikon roli i strukturave shkollore, mësuesëve, punonjësëve social dhe psikologët e shkollës, për të krijuar një mekanizëm për të reduktuar dhunën e bashkëmoshatarëve midis njëri tjetrit.
https://twitter.com/i/status/1439376055224225797
