Vajzat që ushtojnë profesionin e prostitutës shpesh herë janë të keqtrajtuara, por rasti i fundit i një shqiptarje në Itali është në nivele ekstreme.
Një prostitutë shqiptare ka përfunduar e plagosur rëndë në spital në Itali, pasi është grabitur dhe në pas është hedhur nga një makinë në lëvizje. Ndërkohë bëhet e ditur se ngjarja e rëndë ndaj vajzës shqiptare ka ndodhur në Torino.
Mediat italiane raportojnë se bëhet fjalë për 27-vjeçaren me inicialet D.C., me banim në Torino është shtruar në spitalin e Chivasso me plagë të rënda, njëra prej të cilave i ka prekur kokën.
Po ashtu mësohet se ajo aktualisht ndodhet në koma, si pasojë e mënyrës çnjerëzorë që është sulmuar.
Ngjarja e rëndë është regjistruar pasditen e të hënës kur një person e kishte marrë të renë më forcë në makinë duke e tërhequr nga flokët. Më pas ai i ka marrë vajzës çantën dhe më pas e ka hedhur nga makina, e cila ishte në lëvizje, duke u larguar nga vendngjarja me shpejtësi.
Policia italiane është vënë në lëvizje për identifikimin dhe arrestimin e autorit të ngjarjes.
Në fakt nuk janë të rralla rastet ku vajzat shqiptare në vendet e huaja, keqtrajtohen dhe drejtësia nuk vihet gjithnjë në vend, duke qenë të disfavorizuara për shkak të shtetësisë.
