Presidenti i Francës Emmanuel Macron ka shpallur një “Kontratë angazhimi për të rinjtë” për ata që janë nën 25 vjeç, janë të papunë dhe nuk ndjekin aktivitete trajnuese. Ata të kësaj kategorie do të marrin deri në 500 euro në muaj për të ndjekur çdo javë kurse trajnimi që zgjasin 15 ose 20 orë në javë ose nëse pranojnë të marrin ndihmë për të hyrë në botën e punës. Nisma u njoftua më 12 korrik nga vetë Macron. Në Facebook, presidenti shpjegoi se qëllimi është të ndihmojë të rinjtë “pa burime dhe pa perspektivë”. Nga 1 marsi, njoftoi presidenti, të gjithë të rinjtë që regjistrohen “do të kenë mundësi të përfitojnë nga mbështetja prej 15/20 orësh në javë për të gjetur një profesion të ri, për t’u stërvitur, për të marrë një praktikë ose një punë”. Shtesa mujore prej 500 euro varet nga të ardhurat, ndjekja e kurseve dhe pranimi i ofertave të paraqitura për aktivitet.
“Nëse po ju shkruaj sot, është për t’iu drejtuar brezave të rinj. Ata që jetuan pandeminë në epokën e lirisë, ata që po mobilizohen për urgjencën klimatike, ata që po shkruajnë të ardhmen e Francës. Po ju shkruaj për t’ju thënë se Kombi do të jetë aty për t’ju mbështetur dhe për t’ju lejuar të përfundoni projektet tuaja. Ne po investojmë shumë në sektorë që – energjia, automjetet elektrike, avionët e pastër, hapësira, kultura dhe shumë të tjerë – do të krijojnë vendet e punës që mund të plotësoni nesër. Ne po bëjmë gjithçka për t’i dhënë fund sektorëve pa hapje, veçanërisht duke zhvilluar praktikën: 525,000 kontrata të nënshkruara në 2020, një rekord”, tha Macron.
“Qindra vende pune janë të disponueshme në të gjithë Francën. Shteti, kompanitë, komunitetet dhe shoqatat: me Kontratën e Angazhimit të Rinisë të gjithë do të mobilizohen për t’ju dhënë akses”, shtoi presidenti.
