Komisioni Qendror i Zgjedhjeve në Kosovë ka shpallur sot rezultatet përfundimtare të raundit të parë të zgjedhjeve lokale të cilat janë mbajtur më 17 tetor.
Raundi i dytë i zgjedhjeve për kryetarë do të zhvillohet në 21 komuna: Gjakovë, Gllogoc (Drenas), Gjilan, Dragash, Istog, Kaçanik, Klinë, Fushë Kosovë, Kamenicë, Obiliq, Rahovec, Podujevë, Prishtinë, Prizren, Shtime, Viti, Vushtrri, Malishevë, Junik, Mamushë dhe Kllokot.
Në Prishtinë gara do të zhvillohet mes Arben Vitisë, LVV dhe Përparim Ramës, LDK;
Në Gjakovë gara do të zhvillohet mes Ardian Gjinit AAK dhe Mimoza Kusari – Lila, LVV;
Në Drenas gara do të zhvillohet mes Ramiz Lladrovcit, PDK dhe Driton Ajazi, Demokratet për Drenasin;
Në Gjilan gara do të zhvillohet mes Alban Hysenit, LVV dhe Lutfi Haziri, LDK;
Në Fushë Kosovë gara do të zhvillohet mes Burim Berishës, LDK dhe Enver Bajqinca, LVV;
Ndërkohë, në 17 komuna, kandidatët kanë fituar votat e mjaftueshme për të udhëhequr komunën.
KQZ
Komisioni Qendror i Zgjedhjeve mori vendim për shpalljen e këtyre rezultateve pas konfirmimeve nga Paneli Zgjedhor për Ankesa dhe Parashtresa dhe nga Gjykata Supreme se këto institucione kanë vendosur për të gjitha ankesat.
Duke u mbështetur në këto rezultate, raundi i dytë i Zgjedhjeve për Kryetarë në këto 21 komuna: Gjakovë, Gllogoc (Drenas), Gjilan, Dragash, Istog, Kaçanik, Klinë, Fushë Kosovë, Kamenicë, Obiliq, Rahovec, Podujevë, Prishtinë, Prizren, Shtime, Viti, Vushtrri, Malishevë, Junik, Mamushë dhe Kllokot.
Vërejtje: Pas shpalljes së rezultateve përfundimare, në afat brenda 24 orësh, subjektet politike dhe kandidatët mund të paraqesin ankesat e tyre në Panelin Zgjedhor për Ankesa dhe Parashtresa.
